Ռուսաստանի Պաշտպանության բանակի գեներալ Սերգեյ Շոյգուն 24 ժամվա ընթացքում երկրորդ հեռախոսազրույցն է ունեցել Թուրքիայի ռազմական գերատեսչության ղեկավար Հուլուսի Աքարի հետ: Կողմերը քննարկել են իրավիճակի կարգավորումը Լեռնային Ղարաբաղում, չորեքշաբթի լրագրողներին հայտնել է ՌԴ ՊՆ-ում, փոխանցում է ՏԱՍՍ-ը:
«Ռուսաստանի Դաշնության պաշտպանության նախարար, բանակի գեներալ Սերգեյ Շոյգուն այսօր հեռախոսային բանակցություններ է վարել Թուրքիայի Հանրապետության պաշտպանության նախարար Հուլուսի Աքարի հետ»,- նշել է ռազմական գերատեսչությունը:
Ինչպես նշել են ՊՆ-ում, Շոյգուն իր թուրք գործընկերոջ հետ քննարկել է «Լեռնային Ղարաբաղի հակամարտության կարգավորումը»:
Նախօրեին նա արդեն հեռախոսազրույց էր ունեցել Աքարի հետ. կողմերը քննարկել էին իրավիճակը Լեռնային Ղարաբաղում, ինչպես նաեւ Սիրիայում: