News
Լրահոս
News
Կիրակի
Նոյեմբեր 28
Տեսնել լրահոսը

Անվտանգության խորհրդի գրասենյակն այսօր՝ ապրիլի 15–ին հատվածներ է հրապարակել  անվտանգության խորհրդի արտահերթ նիստի արձանագությունից՝ խախտելով միաժամանակ մի քանի կարևորագույն օրենքներ։ Այսպես. «Անվտանգության խորհրդի կազմավորման և գործունեության մասին» ՀՀ օրենքի 4–րդ հոդվածի 14–րդ կետի համաձայն՝ Անվտանգության խորհրդի նիստերի օրակարգը, նիստերում քննարկված հարցերի բովանդակությունը, ինչպես նաև քվեարկության արդյունքները հրապարակման ենթակա չեն:

Անվտանգության խորհրդի կողմից գաղտնազերծված արտահերթ նիստը տեղի է ունեցել 2020թ. սեպտեմբերի 30–ին՝ պատերազմի երրորդ օրը։ ԱԽ նիստի ընթացքում քննարկվել են  ղարաբաղա-ադրբեջանական սահմանագոտում օպերատիվ վիճակը և հայկական զինված ուժերի հետագա քայլերը, հետևաբար ԱԽ նիստի արձանագրությունը գաղտնի է եղել։ Գաղտնիության մասին երեկ՝ ապրիլի 14–ին խորհրդարանում հայտարարել է անգամ ՀՀ վարչապետ Նիկոլ Փաշինյանը՝ նշելով, որ «կմտածեն Անվտանգության խորհրդի գաղտնի արձանագրության՝ Օնիկ Գասպարյանի հատվածը հրապարակելու մասին»։ Սա նշանակում է, որ ԱԽ նիստի՝ գաղտնիության աստիճան ունեցող արձանագրության հրապարակումը եղել է անձամբ Նիկոլ Փաշինյանի հրամանով։

«Պետական և ծառայողական գաղտնիքի մասին» ՀՀ օրենքի համաձայն՝  Պետական և ծառայողական գաղտնիք կազմող և «գաղտնի» գաղտնիության աստիճան ունեցող տեղեկությունները, գաղտնագրման պահից սկսած, որպես գաղտնիք պահպանվում են մինչև 10 տարի: Նույն օրենքի համաձայն՝ տեղեկությունները կարող են  գաղտնազերծվել երկու հիմքի դեպքում։

ա) պետական և ծառայողական գաղտնիք կազմող տեղեկությունների բաց փոխանակման ուղղությամբ Հայաստանի Հանրապետության կողմից ստանձնած միջազգային պարտավորությունները.

բ) օբյեկտիվ հանգամանքների փոփոխությունը, որի հետևանքով պետական և ծառայողական գաղտնիք կազմող տեղեկությունների հետագա պահպանությունը և պաշտպանությունը դառնում է աննպատակահարմար:

Մինչ այս պահը մեզ հայտնի չէ որևէ տվյալ այն մասին, որ ՀՀ–ն որևէ միջազգային պարտավորություն ունի գաղտնազերծելու պատերազմին առնչվող անվտանգության խորհրդի նիստի արձանագրությունը, իսկ ինչ վերաբերվում է օբյեկտիվ հանգամանքների փոփոխությանը, ապա, հավանաբար իշխանությունների համար ընտրություններից առաջ «օբյեկտիվ» խնդիր է առաջացել՝ պարտերազմը չդադարեցնելու և պարտության ողջ մեղքը բանակի նախկին հրամանատարության վրա բարդելը։ Այս համատեքստում է գուցե Փաշինյանը համարել, որ  այլևս նպատակահարմար չէ պետական և ծառայողական գաղտնիք կազմող տեղեկությունների հետագա պահպանությունը, կամ էլ պարզապես ՀՀ վարչապետը երբևէ չի կարդացել և չի տիրապետում այս օրենքներից որևիցե մեկին։

Հավելենք, որ ՀՀ քրեական օրենսգրքի 306–րդ հոդվածի համաձայն՝ պետական գաղտնիք պարունակող տեղեկություններ դիտավորությամբ հրապարակելն այն անձի կողմից, ով պետական գաղտնիքի հետ ծանոթանալու իրավունք ուներ, և ում դա վստահված է եղել կամ հայտնի է դարձել ծառայության բերմամբ,  պատժվում է կալանքով՝ երկուսից երեք ամիս ժամկետով, կամ ազատազրկմամբ՝ առավելագույնը չորս տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Ժողովուրդ». Քրեական օրենսգրքում կրկին փոփոխություններ կլինեն
«ժողովուրդ» օրաթերթին հասած տեղեկությունների համաձայն՝ իրավապահ համակարգի աշխատակիցները տեղեկություններ ունեն, որ...
«Փաստ». Փորձում են իրենց վրայից մաքրել «չկրակելու» թեման
Սակայն նոյեմբերի 16-ի հետ կապված ուշագրավ այլ հանգամանքներ են հայտնի դարձել «Փաստին»...
«Հրապարակ». Նիկոլ Փաշինյանը ՍԴ-ում իրական ճգնաժամ ստեղծեց
Բանն այն է, որ իշխանության համար «ճակատագրական» դիմումները քննելիս ՍԴ մեծամասնությունը հստակորեն փաշինյանական կամքն է...
«Փաստ». Հերթակա՞ն, թե՞ արտահերթ «ինստրուկտաժ»
Մասնավորաբար, մենք տեղեկատվություն ունենք, որ այդ հանդիպումները…
«Ժողովուրդ». Մի շարք համայքններում Փաշինյանի նշանակածներն են ղեկավարում
«Լուսավոր Հայաստան» խմբակցության անդամ Դավիթ Խաժակյանի գնահատմամբ՝ դա ոչ այլ ինչ է, քան վարչական լծակների...
«Փաստ». Արդյո՞ք 350 միլիոն դրամը կապ ունի սպասվելիք ՏԻՄ ընտրությունների հետ
Կոմիտեում հարցի հիմնական զեկուցողը էկոնոմիկայի նախարար Վահան Քերոբյանն է եղել: Սակայն գյուղատնտեսության աջակցության...