News
Լրահոս
News
Երեքշաբթի
Հունիս 15
Տեսնել լրահոսը

Ամերիկյան Microsoft կորպորացիայի հիմնադիր Բիլ Գեյթսը եւ նրա կինը՝ Մելինդան, հայտարարել են ամուսնալուծության մասին: Համապատասխան գրառումը Գեյթսն արել է իր Twitter-ում, փոխանցում է ՏԱՍՍ-ը:

«Երկար մտածելուց եւ մեր հարաբերությունների վրա շատ աշխատելուց հետո մենք որոշում կայացրեցինք խզել մեր ամուսնությունը»,- ասվում է հայտարարության մեջ: Ըստ Բիլ եւ Մելինդա Գեյթսերի՝ նրանք հավանական չեն համարում «հետագա աճը՝ որպես զույգ»: Միաժամանակ նրանք պարզաբանել են, որ շարունակելու են համատեղ աշխատել իրենց ստեղծած բարեգործական հիմնադրամի շրջանակներում:

Բիլ Գեյթսը եւ Մելինդա Ֆրենչն ամուսնացել են 1994 թվականին: Նրանք ունեն երեք երեխա: «27 տարի շարունակ մենք դաստիարակել ենք երեք հիանալի երեխաների եւ ստեղծել ենք հիմնադրամ, որն օգնում է ամբողջ աշխարհի մարդկանց՝ ապրել առողջ եւ արդյունավետ կյանքով»,- ասված է համատեղ հայտարարության մեջ:

Զույգը չի բացահայտել ամուսնալուծության դատավարության ֆինանսական կողմը: Forbes ամսագրի վարկածով մոտ 130.5 միլիարդ դոլար կարողություն ունեցող Բիլ Գեյթսը չորրորդն է աշխարհի ամենահարուստ մարդկանց ցուցակում: Forbes-ը Մելինդա Գեյթսին աշխարհի ամենաազդեցիկ հինգերորդ կինն էր ճանաչել 2020-ի վերջին:

2000 թվականից ի վեր Բիլ եւ Մելինդա Գեյթսերը ղեկավարում էին բարեգործական հիմնադրամը, որը մոտ 50 միլիոն դոլար ունի: Կազմակերպության գործունեության հիմնական ուղղություններն են զարգացող երկրներում վտանգավոր հիվանդությունների դեմ պայքարը, առողջապահական եւ կրթական ծրագրերն ԱՄՆ-ում: Հիմնադրամի միջոցով հարյուր միլիոնավոր դոլարներ են հատկացվել կորոնավիրուսի դեմ պատվաստանյութ մշակման եւ համավարակի պայմաններում առավել խոցելի խավերին աջակցության համար:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ինչպե՞ս է անցնում Ջո Բայդենի օրը
79-ամյա Բայդենն ԱՄՆ ամենատարեց նախագահն է եւ սկսում է իր օրն անձնական մարզչի հետ ուժային մարզումներից...
Համացանցում հայտնվել է կորած արքայադուստր Լատիֆայի լուսանկարը
Եթե լուսանկարում պատկերված կնոջ ինքնությունը հաստատվի, դա կլինի արաբ արքայադստեր առաջին լուսանկարը հասարակության մեջ վերջին երեք տարվա ընթացքում...
Շառլ Ազնավուրի 97-րդ տարեդարձի կապակցությամբ Փարիզի Օդեոնի հրապարակում բացվեց մեծ շանսոնյեի կիսանդրին (ֆոտո)
Միջոցառմանը ներկա էին Փարիզի քաղաքապետ Անն Հիդալգոն, Ֆրանսիայում ՀՀ դեսպան Հասմիկ Տոլմաջյանը, Ազնավուրի որդին՝ Նիկոլա…
«Իշխանություն» ֆիլմի պրեմիերային ես պատահական չէի հայտնվել Սերժ Սարգսյանի կողքին. Ֆիլմի ռեժիսոր
Նկարահանելու ենք մեր զրույցը: Ես լրագրող չեմ, մեր զրույցը էդ տեսանկյունից կլինի ոչ պրոֆեսիոնալ, բայց անկեղծ...
Նա մեծ հայրենասեր էր․ Նիկոլ Փաշինյանն ու Աննա Հակոբյանը ցավակցել են Վարդան Գրեգորյանի մահվան կապակցությամբ
Վարդան Գրեգորյանը հայկական սփյուռքի վերջին տասնամյակների ամենավառ եւ ճանաչված ներկայացուցիչներից մեկն էր…
Բրիտանիայում տեղի է ունենում արքայազն Ֆիլիպին հրաժեշտի արարողությունը
Արքայազն Ուիլյամը եւ Հարրին ավելի քան մեկ տարվա ընթացքում առաջին անգամ են միասին ներկայացել հանրությանը․․․
Ամենաշատ