News
Լրահոս
News
Չորեքշաբթի
Հունվար 26
USD
482.47
EUR
544.52
RUB
6.1
Տեսնել լրահոսը

Որոշ հարավկորեացիներ այնքան լարված են, որ գումար են ծախսում հաստատություններ այցելելու համար, որտեղ կարող են հանգստանալ եւ ոչինչ չանել, հաղորդում է The Washington Post-ը: Փողոցներում զբոսնելու փոխարեն Սեուլի բնակիչները գերադասում են փակ տարածքներում զով գոտիները:

Green Lab-ը, որը գտնվում է Սեուլի արգելոցի մերձակայքում, թույլ է տալիս հաճախորդներին ամրագրել տեղ սրճարանում պառկելու եւ հանգստանալու համար: Այդ դահլիճում հաճախորդները պետք է անձայն ռեժիմով օգտագործեն հեռախոսներն ու զերծ մնան զրույցներից:

Նշվում է, որ կորեական հասարակությունում դժվար է գտնել վայրեր, որտեղ կարելի է բացարձակապես ոչինչ չանել:

The Post-ի տվյալներով՝ Սեուլի Megabox կինոթատրոններում այս ամիս 6 դոլարով վաճառել են «Թռիչք» ֆիլմի տոմսերը, որը թույլ է տալիս զգալ 40 րոպե տեւողությամբ ինքնաթիռով թռիչքը:

1016 կորեացու շրջանում անցկացված հարցման արդյունքները ցույց են տվել, որ բնակչության 70 տոկոսն գտնվում է սթրեսի վիճակում: Նույն հարցման 20 եւ բարձր տարիքի մասնակիցների 46,5 տոկոսը հայտնել է, որ ճնշված է զգում:

Այդ կապակցությամբ Սեուլից դուրս հանգստավայրերում ի հայտ են եկել տեղեր, որտեղ կարելի է նստել եւ չշարժվել:

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ