News
Լրահոս
News
Շաբաթ
Օգոստոս 20
USD
405.15
EUR
407.5
RUB
6.87
Տեսնել լրահոսը

Բերձորցիների համար այսօրվա ամենակարեւոր հարցն այն է, թե նոր երթուղու կառուցման դեպքում ի՞նչ կարգավիճակ են ունենալու իրենք: Այս մասին NEWS.am-ի հետ զրույցում ասաց Բերձորի համայնքապետ Նարեկ Ալեքսանյանը:

«Նիկոլ Փաշինյանի վերջին ասուլիսում հնչեցված արտահայտությունները մեզ համար անակնկալ կամ նորություն չէին՝ վերջին ամիսների խոսակցությունների համատեքստում: Բերձորցիների մոտ տրամադրությունը նույնն է՝ ինչ հայտարարությունից առաջ էր: Մարդիկ հանգիստ են, խուճապ չկա, ապրում են իրենց սովորական կենցաղով: Սակայն իրենց մոտ վրդովմունք է առաջացել, երբ որ Նիկոլ Փաշինյանն ասաց, թե Բերձորում մարդիկ չեն ապրում: Մինչդեռ Բերձորում ապրում է մոտ 50 ընտանիք՝ 180 մարդ»,- նշեց Նարեկ Ալեքսանյանը:

Նարեկ Ալեքսանյանի խոսքով՝ պատերազմը եւ հաջորդած ամիսները ցույց են տվել, որ հնարավոր չէ կանխատեսել, թե ինչ է սպասվում հաջորդ օրը, հետեւաբար՝ հետագա իրավիճակը կախված է երթուղու փոփոխությունից:

«Ես այս հարցում կարող եմ միայն իմ անունից խոսել, եւ չեմ կարող ասել, որ եթե հանկարծ որոշում կայացվի դուրս գալու՝ ինչ կորոշեն մարդիկ՝ դուրս կգա՞ն, թե՞ կմնան եւ կպայքարեն: Բացի այս բազմաթիվ են անպատասխան հարցերը: Ի՞նչ է սպասվում մեզ նոր երթուղուց հետո: Մենք ի՞նչ կարգավիճակ ենք ունենալու: Մենք ինչպե՞ս ենք ապրելու: Բայց մեկ բան է պետք հստակ արձանագրել՝ այդ միջանցքը չի կարող վերահսկվել թշնամու կողմից, քանի որ այդ դեպքում կբացառվի խաղաղ երթեւեկությունը: Բնականաբար, պետք է լինեն խաղաղապահներ, որոնց 100 % վերահսկողության ներքո պետք է լինի միջանցքը: Կոնկրետ այս պահի դրությամբ կարող եմ ասել, որ ռուս խաղաղապահներն իրենց տեղերում են»,- ընդգծեց Ալեքսանյանը:

Նարեկ Ալեքսանյանի խոսքով՝ այժմ «Արցախգազը» ապամոնտաժում է նոյեմբերի 9-ից Բերձորում չգործող գազախողովակաները:

«Իմ տեղեկություններով՝ դրանք տեղափոխում են Հին Շեն եւ Նոր շեն գյուղեր: Շատ են խոսակցությունները, որ հնարավոր է բերձորցիներին վերաբնակեցնեն այդ գյուղերում: Ես նման առաջարկ չեմ ստացել: Ամեն դեպքում կարող եմ ասել, որ Արցախի Հանրապետությունը տեղահանված բոլոր մարդկանց տալիս է հնարավորությունը վերադառնալ մեր տիրապետության տակ մնած հատվածները»,- նշեց Ալեքսանյանը:

Համայնքապետի խոսքով՝ թեպետ Հայաստանի եւ Արցախի Հանրապետությունների կողմից հայտարարվում է, թե բերձորցիների բնակարանային հարցերը լուծված են, սակայն այդպես չէ:

«Առհասարակ Քաշաթաղի ոչ մի շրջանի որեւէ բնակչի բնակարանային հարց լուծված չէ: Որոշումը, իհարկե, կա, բայց այս պահին դեռ միայն որոշում է, քանի որ շատ խնդիրներ կան: Տեսնում ենք հայտարարություններ, որ այդ հարցը լուծված է, բայց, որպես խնդրի կողմ, տեսնում ենք, որ այդպես չէ: Լուծման գործընթացում շատ խնդիրներ են առաջանում: Յուրաքանչյուր անձ կորցրել է շատ ավելին, քան իրեն առաջարկում է Կառավարությունը: Բայց գոնե այդ առաջարկածն էլ պետք է ողջամիտ լինի: Օրինակ՝ նույն չափի գումարն առաջարկվում է եւ երկուհոգանոց, եւ տասըհոգանոց ընտանիքին, ինչը, իհարկե, սխալ է»,- հավելեց Նարեկ Ալեքսանյանը:

Հիշեցնենք, որ Նիկոլ Փաշինյան հունիսի 27-ի իր ասուլիսում նշեց, որ երթուղու փոփոխության դեպքում այն տարածքները, որոնք չեն գտնվում նախկին ԼՂԻՄ տարածքում, անցնելու են Ադրբեջանի վերահսկողության տակ։

Նա, մասնավորապես, նշել է․

«Լաչինի բնակիչների հարցերը Կառավարությունը լուծում է, բնակիչները բնականաբար պետք է ապահովվեն բնակարաններով։ Ըստ էության՝ Լաչինում այսօր ընտանիքներ չեն բնակվում, իսկ Աղավնո գյուղի բնակիչների խնդիրները Արցախի կառավարության միջոցներով կլուծվեն, Սուսի մասին այս պահին հստակ ոչինչ չեմ կարող ասել։ Խնդիրն այն է, թե այդ տարածքները ԼՂԻՄ սահմաններից նե՞րս, թե՞ դուրս են գտնվում։ Համենայն դեպս, երբ այս հարցը քննարկել ենք Արցախի իշխանությունների հետ, Սուս գյուղի անունը չի քննարկվել»։

Իսկ այսօր՝ հունիսի 30-ին, Արցախի Հանրապետության նախագահ Արայիկ Հարությունյանը Արցախի ԱԺ-ում հայտարարեց, որ Հայաստանն Արցախին կապող այլընտրանքային երթուղում Ստեփանակերտն իր համաձայնությունը տվել է:

«Հիմա բանակցություններ են տարվում, կտեսնենք, թե ինչ հնարավորություններ կան: Ինչքան գիտեմ, մեր սոցիալական ծրագրերի շրջանակներում Բերձոր քաղաքի եւ Սուսի բնակիչները ստացել են իրենց փոխհատուցումները: Անկախ  ամեն ինչից՝ մենք Բերձորը պետք է շրջանցենք և Բերձոր բնակավայրում հետագա մեր հայրենակիցների ապրելու հնարավորությունը շատ քիչ եմ համարում, իսկ Աղավնոյի առումով մենք շարունակելու ենք մեր բանակցությունները, մեր պայքարը»,- հայտարարել է նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրքիայում խոսում են «Զանգեզուրի միջանցքի» մասին՝ նույնիսկ չհիշատակելով Հայաստանը
Թուրքիայի Հանրապետության առեւտրի փոխնախարարը նշել է, որ «Զանգեզուրի միջանցքի» բացման շուրջ Ռուսաստանի հետ բարձր մակարդակով բանակցությունները շարունակվում են...
Քանի դեռ նոր ճանապարհը չի գործարկվել, խաղաղապահները միջանցքից ոչ մի սանտիմետր չեն տեղաշարժվի.ՌԴ դեսպանորդ «Ազատություն»
Միաժամանակ Սելեզնյովը փոխանցեց, թե Մոսկվան պատրաստ է ընդլայնել ռուսաստանյան խաղաղապահ զորակազմը…
ԱՄՆ-ն շարունակում է Հայաստանի եւ Ադրբեջանի միջեւ երկարաժամկետ խաղաղություն հաստատելու ուղղությամբ աշխատանքը․ Նեդ Փրայս
«Մենք շարունակում ենք անել հնարավոր ամեն ինչ՝ նպաստելու Հայաստանի եւ Ադրբեջանի միջեւ համապարփակ երկարաժամկետ խաղաղությանը․․․
«Իմ եղբայրն այս տանը համար է զոհվել, թուրքին չեմ թողնելու»․ Աղավնոյի երկրորդ բնակիչը հրկիզել է տունը
Ես իմ տունը թուրքին չեմ թողնելու․․․
Ադրբեջանի ՊՆ-ն հանկարծակի որոշել է սպառնալ իր զենքով
Ադրբեջանական ԶԼՄ-ների տարածած հաղորդագրության մեջ նշվում է, որ «օգոստոսի 13-ին հայկական կվադրոկոպեր է հայտնաբերվել եւ նստեցվել, որը, իբր, փորձում էր հետախուզական թռիչքներ իրականացնել Շուշիի շրջակայքում գտնվող ադրբեջանական դիրքերի վրայով»...
Աղավնոն համակարգային ձեւով հանձնվում է. Սուրեն Պետրոսյան
Վերջին օրերին կարծես թե ձեւավորվել է մի մտայնություն, որ այլեւս Բերձոր, Սուս եւ Աղավնո համայնքների…
Ամենաշատ
Ֆոտոռեպորտաժներ