նախընտրելի դարձնելՀայաստանի քաղաքագետների միության նախագահ, ԲՀԿ-ի համամասնական ցուցակի 9-րդ հորիզոնականում հայտնված Հմայակ Հովհաննիսյանի Գազ-31 մակնիշի 08 SL 010 պետհամարանիշի մեքենան կողոպտել են: Այս մասին NEWS.am-ի թղթակցի հետ զրույցում ասաց Քաղաքագետների միության նախագահ Հմայակ Հովհաննիսյանը, ով այժմ գտնվում է Հայաստանի ոստիկանության Շենգավիթի ոստիկանական բաժանմունքում: Այժմ մեքենան անշարժունակ վիճակում կայանված է կողոպուտի վայրում:
Ի դեպ, Հմայակ Հովհանիսյանը այս կողոպուտին քաղաքական ենթատեքստ է տալիս եւ ասում. «Միանշանակ: Ես այդ թեմայով երկուշաբթի օրը ասուլիս եմ հրավիրելու: Դա մեծ ճնշումներից հետո է եղել: Մեծ ճնշումներ կան ինձ վրա եւ մեր գրասենյակի դեմ: Եվ այդ ճնշման հետեւում Սյունիքի մարզպետ Սուրիկ Խաչատրյանն է կանգնած, ով տիրացել է մեր գրասենյակի վերեւի երկու հարկերին դրածոների միջոցով եւ հիմա էլ ցանկանում է մեր տարածքին տիրանալ»: Հարցին, թե կողոպտիչը հայտնաբերվել է, թե ոչ, Հովհաննիսյանն արձագանքեց ծիծաղով. «Դուք ինձ ձեռ եք առնո՞ւմ: Այդքան մեծ կարծիքի՞ եք, որ անմիջապես պետք է հայտնաբերվի: Նույնիսկ դեռ գործը չի հարուցվում: Ճիշտ է հաղորդումը իմ ստորագրությամբ ուղարկել էի, բայց ասացին, որ անձամբ պետք է գամ, որ գործ հարուցեն»:
