Իտալիայի վարչապետ Ջորջիա Մելոնին Instagram-ում հրապարակել է կոշտ պատասխան ԱՄՆ նախագահ Դոնալդ Թրամփին, որը բազմիցս հայտարարել էր, թե նա իրեն «աղաչել» և «կրկին ու կրկին» խնդրել է իր հետ լուսանկարվել։

Թրամփը նաև կասկածի տակ էր դրել Մելոնիի ժողովրդականության մակարդակը՝ քննադատելով Հռոմին իր «թռիչքուղիներից» օգտվելու հրաժարման համար։

«Նախագահ Թրամփ,

Այս մշտական, ոչնչով չհրահրված հարձակումներն անիմաստ են։ Ինչ վերաբերում է իմ ժողովրդականությանը, ապա այն, որ ես ձեր ընկերն եմ, իհարկե, դրան չի օգնել, և դա կախված չէ ձեզ հետ իմ հարաբերություններից։ Իմ ժողովրդականությունը կախված է Իտալիայի ազգային շահերը պաշտպանելու իմ կարողությունից, և դա հենց այն է, ինչ ես միշտ արել եմ։ Նույնը ես արել եմ նաև Իտալիայում ամերիկյան ռազմակայանների հարցում։ Դրանց օգտագործումը կարգավորվում է համաձայնագրերով, որոնք մենք միշտ պահպանել ենք և որոնք չեն կարող խախտվել, քանի դեռ ես վարչապետ եմ։ Իտալիան մնում է ինքնիշխան պետություն։ Ամեն դեպքում, իմ ժողովրդականությունը ձեզ չի վերաբերում։ Առաջարկում եմ կենտրոնանալ ձեր ժողովրդականության վրա»,- գրել է Իտալիայի վարչապետը։