նախընտրելի դարձնել«Օրինաց երկիր» կուսակցության համամասնական ցուցակի 9-րդ եւ 10-րդ հորիզոնականները զբաղեցնող Նելսոն Զուլոյանին եւ Դավիթ Կարապետյանին առաջարկել են զբաղեցնել համապատասխանաբար առողջապահության եւ էներգետիկայի եւ բնական պաշարների փոխնախարարների պաշտոնները:
Դավիթ Կարապետյանը եւ Նելսոն Զուլյանը NEWS.am-ի թղթակցի հետ զրույցում հաստատեցին գործադիրում աշխատելու մասին լուրը: Չցանկանալով բացել փակագծերը` երկուսն էլ նշեցին, որ պարզապես ցանկանում են իրենց քաղաքական կարիերան սկսել ԱԺ-ից:
ՕԵԿ-ին մոտ կանգնած աղբյուրների փոխանցմամբ` հրապարակված խմբակցության կազմը դեռեւս վերջնական չէ: Կառավարության ձեւավորումից հետո ՕԵԿ ցուցակից Իշխան Խաչատրյանը եւ Սամվել Թադեւոսյանը հավանաբար ինքնաբացարկ կհայտնեն եւ պաշտոններ կստանան գործադիրում, որոնց փոխարեն կանցնեն Նելսոն Զուլոյանը եւ Դավիթ Կարապետյանը:
Մեր աղբյուրները հայտնեցին նաեւ, որ կոալիցիայի ձեւավորումից հետո ԵԿ-ը կստանա նախարարի երկու պորտֆել` գյուղատնտեսության նախարար Սերգո Կարապետյանը եւ Արտակարգ իրավիճակների նախարար Արմեն Երիցյանը:
Ինչ վերաբերում է Տրանսպորտի եւ կապի նախարար Մանուկ Վարդանյանին, ապա նա առաջիկայում կլքի ՕԵԿ-ը, քանի որ այդ պորտֆելը տրվելու է ՀՀԿ-ին, Մանուկ Վարդանյանն արդեն իմաստ չի տեսնում մնալ կուսակցությունում:
Նշենք, որ լրատվամիջոցներում տեղեկություններ էին տարածվել, որ Կարապետյանին առաջարկվել է էներգետիկայի եւ բնական պաշարների փոխնախարարի, իսկ Զուլոյանին` առողջապահության փոխնախարարի պաշտոնը, սակայն նրանք չեն համաձայնել ու շարունակում են պնդել, որ իրենց գործունեությունը պատկերացնում են միայն խորհրդարանում:
Ավելի վաղ NEWS.am-ը հայտնել էր, որ «Օրինաց երկիր» կուսակցությունը քննարկել է 2012թ. ընտրությունների ընթացքում ձեռք բերված մանդատների բաշխման հարցը:
Քաղաքական խորհրդի որոշման արդյունքում ՕԵԿ-ը հինգերորդ գումարման Ազգային ժողովում կձեւավորի խմբակցություն հետեւյալ կազմով.
Հեղինե Բիշարյան – խմբակցության ղեկավար
Խաչիկ Հարությունյան – խմբակցության քարտուղար
Մհեր Շահգելդյան
Իշխան Խաչատրյան
Սամվել Թադևոսյան
Կարեն Բոթոյան
Հիշեցնենք, որ ՕԵԿ-ը մայիսի 6-ին կայացած խորհրդարանական ընտրություններում ստացել է 5,51 տոկոս ձայն, ինչը հավասար է 5 մանդատի: Եվս մեկ ՕԵԿ-ական` Կարեն Բոթոյանը, ընտրվել է մեծամասնական ընտրակարգով:
