Նախընտրելի
Սլովակիայի գլխավոր դատախազ Մարոշ Ժիլինկային և նրա կնոջն ուղարկել են հաղորդագրություն՝ ընտանիքը պայթեցնելու սպառնալիքով։ Այս մասին սեպտեմբերի 25-ին հայտնել է DennikN թերթը՝ հղում կատարելով հանրապետության կառավարության աշխատակազմին։
«Գլխավոր դատախազ Մարոշ Ժիլինկան և նրա կինը ստացել են ռումբի կիրառմամբ հաշվեհարդարի սպառնալիք», — նշվել է հրապարակման մեջ։
Պարբերականը հայտնել է, որ ոստիկանությունը ստուգում է իրականացնում։ Թերթում նաև հավելել են, որ երկրի վարչապետ Ռոբերտ Ֆիցոն գլխավոր դատախազին անվանել է «խամաճիկ ընդդիմության ձեռքում» այն բանից հետո, երբ Ժիլինկան հայտարարել էր, որ հանրապետության նախորդ կառավարության կողմից Ուկրաինային ռազմական տեխնիկայի անհատույց փոխանցումը օրինական էր։
