նախընտրելի դարձնելՌուսաստանի մայրաքաղաք Մոսկվայում ձերբակալվել է Ռուսաստանի ՆԳՆ տեղեկատվական-վերլուծական գլխավոր վարչության կադրերի բաժնի պետ, գնդապետ Իգոր Նովիկովը: Պաշտոնյային կասկածում են խարդախության մեջ:
Ինչպես հաղորդում է «Մոսկովսկի կոմսոմոլեցը», Նովիկովը գործարարից 500 հազար ռուբլի է խնդրել, իբր, ՆԳՆ Մոսկվայի մարզի գլխավոր վարչության տնտեսական անվտանգության եւ կոռուկցիայի հակազդման վարչության կողմից ստուգումները դադարեցնելու հարցում միջնորդելու համար:
Ընդ որում, ոստիկանին արդեն հայտնի է եղել, որ այդ պահին ստուգումն արդեն ավարտված է եղել:
Հուլիսի 10-ին կասկածյալը ձերբակալվել է սրճարաններից մեկում, պահանջված գումարն ստանալու պահին: Նովիկովի դեմ քրեական գործ է հարուցվել:
