նախընտրելի դարձնելՕգոստոսի 28-ին, ժամը 23.50-ին, Երեւանի Դավիթ-Բեկի փողոցում իրար են բախվել «ՎԱԶ-21063» եւ «Օպել» մակնիշի ավտոմեքենաներ: «ՎԱԶ-21063»-ի ուղեւորը մարմնական վնասվածքներով տեղափոխվել է հիվանդանոց:
Ոստիկանության լրատվության վարչությունից հայտնում են, թե օգոստոսի 29-ին, ժամը 05.30-ի սահմաններում, «ՎԱԶ-21015» մակնիշի ավտոմեքենան Երասխ-Երեւան ճանապարհի 17-րդ կմ-ին բախվել է «ԳԱԶ-24» մակնիշի ավտոմեքենայի: «ՎԱԶ-21015»-ի վարորդը եւ ուղեւորը մարմնական վնասվածքներով տեղափոխվել են հիվանդանոց:
Օգոստոսի 29-ին, ժամը 10.10-ի սահմաններում, «Կիա Սորենտո» մակնիշի ավտոմեքենան Երեւան-Մեղրի ճանապարհի 136-րդ կմ-ին բախվել է «ՈՒԱԶ-3960» մակնիշի ավտոմեքենայի:
Վթարի հետեւանքով «ՈՒԱԶ-3960»-ի ուղեւորը մարմնական վնասվածքներով տեղափոխվել է հիվանդանոց:
Օգոստոսի 29-ին, ժամը 20.00-ի սահմաններում, «BMW-Կաբրիոլետ» մակնիշի ավտոմեքենան Ծաղկաձոր քաղաքից Կեչառիս վանքային համալիր ընթանալիս դուրս եկել հանդիպակաց գոտի եւ բախվել ճամփեզրին կայանված «Օպել Վեկտրա» մակնիշի ավտոմեքենայի: «Օպել Վեկտրա»-ի վարորդը մարմնական վնասվածքներով տեղափոխվել է հիվանդանոց:
Բոլոր դեպքերով էլ կատարվում է քննություն:
