նախընտրելի դարձնել
Հայ ազգային կոնգրեսի խորհրդարանական խմբակցության ղեկավար Լեւոն Զուրաբյանի օգնական Սամվել Աբրահամյանը երեկ տեղեկացրել է, որ ԲՀԿ, ՀՅԴ եւ «Ժառանգություն» խորհրդարանական խմբակցությունները պատաստակամություն են հայտնել քննարկելու «Հայ ազգային կոնգրես» խմբակցության ներկայացրած` ընտրական եւ քրեական օրենսգրքերում փոփոխություններ կատարելու օրենքի նախագիծըեւ գտնել ընդհանոր մոտեցումներ: Այդ մասին գրում է «Չորրորդ ինքնիշխանություն» թերթը:
«Աբրահամյանը տեղեկացրեց, որ փոփոխությունների փաթեթը հոկտեմբերի 12-ին է ուղարկվել ԱԺ խմբակցություններին, եւ ըստ երեւույթին` իրենք դեռ ծանոթանում են նախագծին:
«Դրանից հետո բնական է`հարցադրումներ կլինեն, տեսակետներ կլինեն, նոր արդեն կոնկրետ գործնականում կքննարկենք: Բայց պատրաստակամություն կա համագործակցելու»,- նշել է Աբրահամյանը»,- գրում է «Չորրորդ ինքնիշխանությունը»:
