Սաստիկ փոթորկից հետո Նյու Յորքի փողոցները ջրասույզ են եղել, և բնակիչները ստիպված են եղել տեղաշարժվել նավակներով, հայտնում է CBS News հեռուստաալիքը։

«Նյու Յորքի և Նյու Ջերսիի ափամերձ շրջաններում փոթորիկը այնքան ուժգին հեղեղումներ է առաջացրել, որ բնակիչները սեփական թաղամասերում տեղաշարժվում էին կայակներով ու կանոէներով՝ անցնելով մասամբ կամ գրեթե ամբողջությամբ ջրասույզ եղած կայանված մեքենաների կողքով», — նշված է հրապարակման մեջ։

Անբարենպաստ եղանակը հանգեցրել է էլեկտրաէներգիայի մասշտաբային անջատումների։ PowerOutage ծառայության տվյալներով՝ սեպտեմբերի 28-ի վաղ առավոտյան Նյու Յորք, Նյու Ջերսի, Կոնեկտիկուտ և Մասաչուսեթս նահանգներում առանց հոսանքի է մնացել շուրջ 21 հազար տուն և ձեռնարկություն։

Փոթորկի պատճառով Նյու Յորքում չեղարկվել է նաև Բեյսբոլի գլխավոր լիգայի (MLB) «Նյու Յորք Յանկիս» և «Բալթիմոր Օրիոլս» թիմերի հանդիպումը։