նախընտրելի դարձնել
2001- 2011թթ. ընթացքում Հայաստան 236,8 հազ. ավտոմեքենա է ներկրվել: Այժմ մեր երեք միլիոն բնակչությամբ քաղաքում շուրջ կես միլիոն ավտոմեքենա կա:
Նախորդ տասնամյակում ավտոմեքենաների ներկրման դինամիկան բնութագրվում է կտրուկ աճով, որը գագաթնակետին էր հասել 2008թ.՝ նախաճգնաժամային շրջանում:
Ընթացիկ տարվա հունվար-սեպտեմբերին մանրածախ առեւտրաշրջանառության ծավալը կազմել է 890,6 մլրդ դրամ եւ նախորդ տարվա նույն ժամանակահատվածի համեմատ աճել է 2,0%-ով: Միաժամանակ, ավտոմեքենաների եւ դրանց պահեստամասերի վաճառքի, ինչպես նաեւ վերանորոգման ծառայությունների ծավալը կազմել է 61 մլրդ դրամ, աճի տեմպը՝ 12,5 տոկոս:
Տեմպերի նման աճն արդարացված է միայն բարձր կենսամակարդակի դեպքում, սակայն Հայաստանում հակառակ պատկերն է: Ավտոմեքենաների պակասուրդ չկա, սակայն բնակչության կողմից ապրանքասպառման մակարդակը բավական ցածր է
Սա վկայում է մեր հանրության շարունակվող բեւեռացման մասին:
Ինչպես հայտնի է, խտացված գազի օգտագործումը որպես վառելիք ավելի խնայողական է քան, բենզինը: Սակայն դա էլ հաշվի առնելով, բենզինի ներկրման տեմպը զարմանալի է: Վերջին 11-12 տարիներին երկրում մեքենաների քանակն աճել է, այնինչ բենզինի ներկրումը՝ կրճատվել:
1999 թվականին ներկրվել է 237,4 հազար տ բենզին, հաջորդ տարի՝ 178,5 հազար տ: Այսինքն կրճատվել էր 58,9 հազար տ-ով: Հնարավոր է, որ 1999 թվականին ավելի շատ են ներկրել, այդ պատճառով էլ չիրացված բենզինի պաշարները մնացել են հաջորդ տարվան:
Նախորդ տարի բենզինի ներկրումը կազմել է 164,3 հազար տ, որը 73,1 հազար տ-ով ավելի քիչ է 1999 թվականի ցուցանիշից, իսկ 2001-ի հետ համեմատած՝ 14,2 հազար տ-ով:
Սակայն այդ նույն ժամանակահատվածում կտրուկ աճել են դիզելային վառելանյութի մատակարարումները: 2011 թվականին 2000 թվականի հետ համեմատած դիզվառելիքի ներկրումն ավելացել է 2,6 անգամ՝ կազմելով 135,2 հազար տ:
2011 թվականին բենզինի եւ վառելանյութի լրիվ ծավալն ավելացել է 29,8 հազար տ-ով՝ կազմելով 299,5 հազար տ:
Եթե տվյալ ցուցանիշը 2000 թվականին 3,4 անգամ ավելի էր, ապա 2011 թվականին այն նվազել է 1,2 անգամ: Հասկանալի է, որ այդ փաստերն ուսումնասիրման կարիք ունեն: Այն ժամանակ էլ պարզ կդառնա, թե արդյո՞ք խտացված գազի կիրառման պատճառով է նվազել բենզինի պահանջարկը, եւ թե ինչի վրա է ծախսվում դիզելային վառելանյութը: Կամ էլ, պատճառներն այլ են:
Ալբերտ Խաչատրյան
