ՆախընտրելիԿոտայքի մարզի 30-ամյա Ա.Ա-ն ծառայությունից տուն վերադառնալուց հետո սեռական ոտնձգություն է կատարել 14 տարին չլրացած անչափահասի նկատմամբ: Եղվարդի ընդհանուր իրավասության դատարանից NEWS.am-ը տեղեկացավ, որ սույն գործը քննվելու է իրենց մոտ:
Ա.Ա-ին մեղադրանք է առաջադրվել այն բանի համար, որ նա, հանդիսանալով ՀՀ ՊՆ N զորամասի պայմանագրային զինծառայող , կոչումով շարքային, գտնվելով ալկոհոլային թեթեւ աստիճանի խմածության վիճակում, իր` Կոտայքի մարզի Եղվարդ քաղաքի ննջասենյակում, ակնհայտ 14 տարին չլրացած Վ. Վ-ի անօգնական վիճակն օգտագործելով, սեռական ոտնձգություն է կատարել նրա նկատմամբ: Անչափահասը դիմադրել է եւ գործը բռնաբարության չի հասել:
Քրեական գործ է հարուցվել 139 հոդվածի 3-րդ մասով` սեքսուալ բնույթի բռնի գործողությունները անչափահասի նկատմամբ: Սույն հոդվածը պատժվում է 4-10 տարվա ազատազրկման: Գործը դատարան է ստացվել նոյեմբերի 30-ին: Առաջիկայում կնշանակվի դատական քննության օրը: Խափանման միջոց ընտրվել է կալանավորումը:
