Ամանորի «չարազը» շարունակում է թանկանալ: Այդ մասին գրում է «Հայկական ժամանակ» թերթը։

«Եթե մեկ շաբաթ առաջ, մասնավորապես, ընկույզի մաքրած միջուկի մեկ կիլոգրամի գինը տատանվում էր 5-7 հազար դրամի միջակայքում, ապա հիմա միջուկի գնի միջակայքը 6-8 հազար դրամ է:

Ըստ որոշ հաշվարկների, սակայն, Ամանորի սեղանի պարագաների գները շուտով կարող են իջնել, ինչը պայմանավորված է հայաստանցիների չաճող գնողունակությամբ: Միեւնույն ժամանակ, նույնիսկ վարկերով ճոխ Նոր տարի նշելու մոլուցքը կարող է գերակայել, իսկ մոլուցքները որեւէ հաշվարկի ու տրամաբանության չեն ենթարկվում»,- գրում է «Հայկական ժամանակը»։