նախընտրելի դարձնելՀարավային Կորեայում դեկտեմբերի 19-ին նախագահական ընտրություններ են: Պետության ղեկավարի պաշտոնի համար պայքարում է վեց թեկնածու, սակայն հիմնական պայքարը իշխող «Սենուրի» կուսակցության ներկայացուցչուհի Պակ Կըն Հեի եւ ազատական Միավորված դեմոկրատական կուսակցության թեկնածու Մուն Չժե Ինի միջեւ է:
Ըստ հարցումների տվյալների` երկու թեկնածուներն էլ գրեթե հավասար հնարավորություններ ունեն: Եթե հաղթի Պակ Կըն Հեն, նա կդառնա երկրի պատմության առաջին կին նախագահը, գրում է «Մոսկովսկի կոմսոմոլեցը»:
Տեղացի փորձագետները կարծում են, որ Պակ Կըն Հեն առավել մեծ ժողովրդականություն ունի ավագ սերնդի շրջանում, որոնք պետության ղեկավարի պաշտոնում տեսել են նրա հորը` Պակ Չոն Հիին: Ըստ նրանց` հենց նրա կառավարման օրոք է (1962-1979) երկրի տնտեսությունը կտրուկ աճ գրանցել, գրում է KM.RU-ն:
Ընտրություններն անցկացվում են մեկ փուլով: Նախագահ է ընտրվում այն թեկնածուն, որն ամենաշատ ձայներ կհավաքի: Ըստ Հարավային Կորեայի Սահմանադրության` նախագահն ընտրվում է հինգ տարով, միայն մեկ ժամկետով:
