նախընտրելի դարձնելԹուրքիայի վարչապետ Ռեջեփ Թայիփ Էրդողանը «Արդարություն եւ զարգացում» կուսակցության խորհրդարանական խմբակցության ժողովի ժամանակ հայտարարել էր, որ իրենց վրա «գազ տվող» լրագրողներ կան։ Էրդողանը թուրքական TRT հեռուստաընկերության եթերում լրագրողների հարցերին՝ բացահայտել է այդ լրագրողների անունները։
Հեռուստահաղորդմանը մասնակցած Էրդողանի ձեռքում եղել է մի ցուցակ, որտեղ հիշյալ լրագրողների անունները եղել են ընդգծված։ Ըստ այդ ցուցակի, Էրդողանի վրա «գազ տվող» լրագրողներն են՝ Յալչըն Դողան (Milliyet), Օքթայ Էսքի (Hurriyet), Գյունգյուր Մենգի(Vatan), Թուֆան Թուրենչ(Hurriyet), Մեհմեդ Ալի Բիրանդ (Posta):
Նշենք, որ հիշյալ լրատվամիջոցները մտնում են թուրքական մեդիա հսկա Dogan media-ի մեջ։ Dogan holding-ը թուրքական իշխանությունների կողմից տուգանվել է մոտ 3.5 միլիարդ ԱՄՆ դոլար՝ մի քանի տարի հարկային պատասխանատվությունից խուսափելու համար։
