նախընտրելի դարձնել«Թիվ մեկ թիրախը» ֆիլմը, որը նվիրված է «Ալ Կաիդայի» ղեկավար Ուսամա բեն Լադենի ոչնչացմանը, կարող է «բորբոքել» արաբական աշխարհը: Նման տեսակետ է արտահայտել մեդիամագնատ Ռուպերտ Մերդոքն իր Twitter-ում:
Մեդիմագնատը նաեւ նշել է, որ ֆիլմում ցուցադրված տանջանքների քննարկմանը պետք է մասնակցեն բոլոր շահագրգիռ կողմերը, սակայն դա տեղի չի ունենում: Պարզ չէ՝ Մերդոքը նկատի ուներ նաեւ ահաբեկչության մեջ կասկածվողների՞ն, թե՞ ոչ, նշում է lenta.ru-ն:
«Թիվ մեկ թիրախը» ֆիլմն ԱՄՆ-ի վարձույթում է հայտնվել դեկտեմբերի 19-ին: Այնտեղ եզրահանգում է արվում, որ հենց ենթադրյալ ահաբեկիչների կտտանքներն են օգնել իմանալ բեն Լադենի գտնվելու վայրի մասին: Նման տեսակետի քննադատությամբ արդեն հանդես են եկել ամերիկացի մի շարք հայտնի քաղաքական գործիչներ, մասնավորապես` հանրապետական սենատոր Ջոն ՄըքՔեյնը եւ դեմոկրատ Դայան Ֆայնսթայնը, որն զբաղեցնում է Սենատում հետախուզական հանձնաժողովի նախագահի պաշտոնը:
