նախընտրելի դարձնելԼիտվայում մահացած 44-ամյա ռուսաստանցու մարմնին բռնի մահվան հետքեր չեն հայտնաբերվել: Այդ մասին «ՌԻԱ Նովոստիին» հայտնել են Վիլնյուսում Ռուսաստանի դեսպանատնից ` վկայակոչելով տեղի ոստիկանության տվյալները:
Կալինինգրադի մարզի 44-ամյա բնակիչ Վասիլի Պոլեյկոյի մարմինը հայտնաբերվել էր հինգշաբթի օրը Մարիյամպոլ քաղաքի ավտոկայանատեղիում` Վիլնյուսից 139 կմ արեւմուտքում, բեռնատարի խցիկում:
«Բռնի մահվան հետքեր չկան», - հայտնել է դիվանագետը: Ըստ նրա` Լիտվայի ոստիկանությունը քննում է կատարվածի հանգամանքները: Ավելի վաղ լրատվամիջոցները հայտնել էին, որ նախնական զննության ընթացքում բռնության նշաններ չեն հայտնաբերվել, սակայն երբ մարմինը դուրս են բերել մեքենայից, դեմքին նկատվել են այրվածքների հետքեր, ձախ ուսի մաշկը վնասված է եղել:
