նախընտրելի դարձնել
Պակիստանի ներկայացուցիչ Սալման Բաշիրը հունվարի 9-ին հրավիրվել է Հնդկաստանի ԱԳՆ՝ Քաշմիրում սպանված հնդիկ զինվորների հարցով բացատրություն տալու:
Ըստ Հնդկաստանի Պաշտպանության նախարարության տվյալների` պակիստանցի զինվորականներն ապօրինի հատել էին սահմանը եւ սպանել հերթապահող երկու զինվորի: Տեղական լրատվամիջոցները հայտնում են, որ նրանցից մեկի մարմինը գլխատված է եղել: Հնդկական բանակում հերքում են այդ վարկածը, հայտարարելով, սակայն, որ անտառում հայտնաբերված մարմինները խոշտանգված են եղել:
Հնդկաստանի Պաշտպանության նախարարը Պակիստանի բանակի գործողությունները սադրիչ է որակել, հաղորդում է «Եվրոնյուսը»:
Միաժամանակ, Պակիստանը հերքում է Հնդկաստանի մեղադրանքները: Իսլամաբադը պնդում է, որ հնդիկ զինվորականները հարձակվել են Պակիստանի դիրքերի վրա, ինչի հետեւանքով պակիստանցի մեկ զինվոր զոհվել, մեկն էլ վիրավորվել է:
