Գերագույն ռադան Ուկրաինայի Ազգային բանկի կառավարիչ է նշանակել Իգոր Սորկինին: Որոշմանը կողմ են քվեարկել 231 պատգամավորներ, Սորկինի թեկնածությունն առաջարկել է նախագահ Վիկտոր Յանուկովիչը: 

«Ազատություն» կուսակցության խմբակցության ղեկավար Օլեգ Տյագնիբոկը Սորկինի նշանակումն անվանել է անօրինական:  «Դա սպառնալիք է ազգային անվտանգության, քանի որ «Գազպրոմը» սպառնում է երկրի անկախությանը», - հայտարարել է նա:

Իգոր Սորկինը 2010թ.-ից Ազգային բանկի  կառավարչի տեղակալն էր, հայտնում է  «Ինտերֆաքսը»:

Ըստ ռուսական «Գազպրոմի» կայքի` Իգոր Սորկինի հայրը` Վյաչեսլավ Սորկինը, «Գազպրոմի» ներդրումների եւ շինարարության բաժնի ղեկավարի տեղակալն է: