նախընտրելի դարձնելՉեխիայում ավարտվում են նախագահական առաջին համաժողովրդական ընտրությունները: Առաջին փուլի քվեարկությունը հունվարի 11-ին եւ 12-ին էր նշանակված: Արդեն այսօր ընտրատեղամասերի փակվելուց հետո կարող են հայտնի դառնալ կամ երկրորդ փուլի երկու մասնակիցների անունները, կամ էլ պետության նոր ղեկավարի անունը, եթե թեկնածուներից մեկը հավաքի ձայների 50%-ը, հայտնում է «Էխո Մոսկվին»:
Հունվարի 12-ին ընտրողները կարող են քվեարկել տեղական ժամանակով առավոտյան ժամը 08.00-ից մինչեւ 14.00-ն: Չեխիայի քաղաքացիները քվեարկում են 14 հազար 900 ընտրատեղամասերում, որոնցից 102-ն աշխատում են արտասահմանում, հայտնում է «Ռոսիյսկայա գազետան»:
Ընտրությունների առաջին օրը` հունվարի 11-ը, ավարտվել է ընտրողների մասնակցության բարձր ցուցանիշով:
Առաջին օրը քվեարկել են նախագահի ինը թեկնածուները, ինչպես նաեւ պետության գործող նախագահ Վացլավ Կլաուսը եւ վարչապետ Պետր Նեչասը, հայտնում է vesti.ru-ն:
Եթե քվեարկության առաջին փուլում թեկնածուներից ոչ մեկը չստանա ձայների 50%-ը. ապա հունվարի 25-ին եւ 26-ին կանցկացվի երկրորդ փուլը, որտեղ հաղթողը կորոշվի ձայների մեծամասնությամբ:
Պետության ղեկավարի պաշտոնին հավակնում են ինը թեկնածու: Առաջատարն են համարվում երկրի երկու նախկին վարչապետերը` Միլոշ Զեմանը եւ Յան Ֆիշերը, որոնք պաշտոնավարել են 1998-2002 եւ 2009-2010թթ.:
