նախընտրելի դարձնել
Չինաստանի հյուսիս-արեւելքում, ոսկու արդյունահանման հանքում գազի արտահոսքի եւ պայթյունի հետեւանքով 9 հանքափոր է զոհվել:
«ՌԻԱ նովոստին»՝ վկայակոչելով «ՍԻնհուա» գործակալությունը, նշում է, որ միջադեպը տեղի է ունեցել այսօր՝ հունվարի 15-ի գիշերը, Ցզիլին նահանգի Հուադյան քաղաքի մոտ:
Միջադեպի հետեւանքով զոհվել է 9, վիրավորվել՝ 28 մարդ, մեկ հանքափորի ճակատագիր անհայտ է: Վթարի հետեւանքները պարզելու համար հետաքննություն է սկսվել:
Նշենք, որ Չինաստանում լեռնահանքային ոլորտը համարվում է ամենավտանգավորն աշխարհում: Ամեն տարի երկրի հանքերում հազարավոր մարդիկ են զոհվում: Վթարների մեծ մասի պատճառը անվտանգության տեխնիկային չհետեւելն է:
