նախընտրելի դարձնել
Եգիպտոսի առաջատար քաղաքական ուժերը պայմանավորվել են վերջ դնել երկրում վերսկսված խռովություններին: «Ոչ բռնությանը» համատեղ փաստաթուղթը ստորագրվել է հունվարի 31-ին՝ աշխարհում խոշորագույն իսլամական Ալ Ահզար համալսարանի իմամ շեյխ Ահմեդ ադ Թեյիբայի նախաձեռնած հանդիպման ընթացքում:
Խորհրդակցությանը մասնակցել են առաջատար ընդդիմադիր Ազգային փրկության ճակատի, «Մահմեդական եղբայրների», սալաֆիթների, հեղափոխական երիտասարդության եւ Եգիպտոսի եկեղեցիների առաջնորդները, հաղորդում է ԻՏԱՌ-ՏԱՍՍ-ը:
Եգիպտոսում հուզումները չեն հանդարտվում նախորդ ուրբաթ օրվանից, երբ երկիրը նշում «հունվարի 25-ի հեղափոխության» երկրորդ տարեդարձը: Մոտ մեկ շաբաթվա ընթացքում բախումների հետեւանքով զոհվել է շուրջ 60 մարդ, տուժել են հարյուրավորները: Նախագահ Մուհամեդ Մուրսիի կարգադրությամբ առավել անհանգիստ քաղաքներում արտակարգ դրություն եւ պարետային ժամ էր հայտարարվել:
