նախընտրելի դարձնել
Ուկրաինայում Հայաստանի արտակարգ եւ լիազոր դեսպան Անդրանիկ Մանուկյանը, փետրվարի 7-ին, Կիեւի դեսպանատանն ընդունել է ուկրաինացի հայտնի քաղաքագետ, Ուկրաինայի նախագահի Մարդասիարական խորհրդի անդամ Միխայիլ Բելեցկիին:
ՀՀ դեսպանը Միխայիլ Բելեցկիին Հայաստանի մշակույթի նախարարության պատվոգիր է շնորհել` հայկական մշակույթի պահպանման գործում ակտիվ ներդրումների,հայկական սփյուռքի աշխատանքներում համագործակցության եւ հայ-ուկրաինակն հարաբերությունների ամրանդման համար, հայտնում է Analitika.at.ua-ն:
Միխայիլ Բելեցկին իր շնորհակալությունն է հայտնել ուշադրության եւ բարձր գնահատանքի արժանացնելու համար եւ ընդգծել է երկկողմանի մշակութային եւ գիտական կապերն ակտիվացնելու անհրաժեշտության մասին:
Հանդիպման շրջանակում հայ-ուկրաինական հարաբերությունների զարգացման արդի վիճակի եւ նախաձեռնությունների վերաբերյալ կարծիքների փոխանակում է եղել:Նաեւ ուշադրության են արժանացվել Լեռնային Ղարաբաղի հակամարտության կարգավորման ու սումգայիթյան ջարդերի 25-րդ տարելիցի վերաբերյալ հարցերը:
