նախընտրելի դարձնելՀայաստանում «Ընտրություններ 2013» նախաձեռնության շրջանակում ընտրողներին իրավական աջակցություն տրամադրելու «թեժ գիծ» է գործարկվել` 080-080-804 հեռախոսահամարով:
«Թեժ գծի» ստեղծման նախաձեռնողներն են «Քաղաքացիական հասարակության ինստիտուտ» հասարակական կազմակեպությունը եւ Ամերիկյան իրավաբանների ընկերակցությունը (ABA/ROLLI):
Նախաձեռնության նպատակն է պաշտպանել քաղաքացիների ընտրական իրավունքը` իրավական աջակցությունն տրամադրելու միջոցով:
Հաղորդագրության մեջ նշվում է, որ «փետրվարի 18-ին` ընտրությունների օրը, «թեժ գծի» ստացած հեռախոսազանգերի հիման վրա, «իրավական շտապօգնության» 30 մեքենաներ, որոնց կազմում են լրագրող, դիտորդ եւ իրավաբան, կուղեւորվեն դեպքի վայր`անհրաժեշտ իրավական խորհրդատվության տրամադրման, ինչպես նաեւ հնարավոր խախտումների լուսաբանման համար»:
«Ընտրություններ 2013»-ը չեզոք նախաձեռնություն է, որը հավասար աջակցում է ընտրական գործընթացին մասնակից ցանկացած անձի, որի իրավունքները խախտվել են:
Հայաստանում այսօր` փետրվարի 18-ին, նախագահական ընտրություններ են ընթանում: Ժամը ուղիղ 08:00-ին 41 ընտրատարածքներում բացվել են 1988 ընտրատեղամասերը: Քվեարկությունը կավարտվի ժամը 20:00-ին:
