նախընտրելի դարձնելFEMEN շարժման կիսամերկ ակտիվիստուհին ներխուժել է Փարիզի Աստվածամոր տաճար եւ կանգնելով խորանի առջեւ պլաստիկե ատրճանակը պահել է բերանի մեջ ու ինքնասպանություն բեմադրել:
Աղջկա մերկ կրծքին գրված է եղել «Այրվիր դժողքում, ֆաշիզմ», իսկ մեջքին՝ «In gay we trust» (Մենք հավատում ենք գեյերին):
Ակտիվիստուհուն անմիջապես ձերբակալել են, իսկ տաճարն այդ սկանդալային ակցիայից հետո որոշ ժամանակով փակվել է:
FEMEN շարժման առաջնորդ Իրինա Շեւչենկոն ակտիվիստուհու ակցիան մեկնաբանել է The Huffington Post-ին տված հարցազրույցում: Նրա խոսքով՝ բողոքի ակցիան ուղերձ է նրանց, ովքեր «պաշտպանում են ֆաշիզմը եւ սգում մի քանի օր առաջ Փարիզի Աստվածամոր տաճարում ինքնասպան եղած ուլտրաաջ զինվորականի մահը»:
Հիշեցնենք, որ FEMEN շարժումը ստեղծվել է Ուկրաինայում, 2008 թվականին, որի նպատակը Արեւելյան Եվրոպայի կանանց իրավունքների պաշտպանությունն է խտրականությունից:
