նախընտրելի դարձնելԱյսօր՝ մայիսի 29-ին, Հայաստանի կենտրոնական ընտրական հանձնաժողովը գումարել է հերթական նիստը, որի ընթացքում էլեկտրոնային վիճակահանությամբ իրականացվել է Արարատի մարզի Սուրենավան համայնքում 2013թ. հունիսի 23-ին կայանալիք տեղական ինքնակառավարման մարմինների արտահերթ ընտրությունների տեղամասային ընտրական հանձնաժողովի նախագահի եւ քարտուղարի պաշտոնների բաշխումը` Ազգային ժողովում խմբակցություն ունեցող կուսակցությունների, կուսակցությունների դաշինքի միջեւ:
Համաձայն իրականացված բաշխման` արտահերթ ընտրությունների համար կազմավորված թիվ 18/1 տեղամասային ընտրական հանձնաժողովի նախագահի պաշտոնը կզբաղեցնի «Օրինաց երկիր» կուսակցության ներկայացուցիչը, իսկ քարտուղարի պաշտոնը` «Ժառանգություն» կուսակցության ներկայացուցիչը:
Հերթական նիստում քննարկվել են նաեւ «Թրանսփարենսի ինթերնեշնլ հակակոռուպցիոն կենտրոն» հասարակական կազմակերպության կողմից ներկայացված դիմումները:
