նախընտրելի դարձնելԱստրախանում ուսանողներին կասկածում են ազգային հողի վրա ատելություն հրահրելու մեջ: Նրանց նկատմամբ քրեական գործ է հարուցվել բնակարան ապօրինի ներխուժման, ծեծի ենթարկելու եւ ազգային թշնամանք հրահրելու համար:
Գործի մասնակիցներն են Աստրախանի պետական տեխնիկական համալսարանի ուսանողներ 19-ամյա Մինկայիլ Դաուդովը եւ 18-ամյա Ահադ Ալեքփերովը: Քննիչի միջնորդությամբ կասկածյալների նկատմամբ խափանման միջոց է ընտրվել կալանքը, հայտնում է «Աստրախան FM»-ը:
Ըստ քննության տվյալի` ապրիլի 28-ին Դաուդովը եւ Ալեքփերովը հանրակացարանի սենյակում ոգելից խմիչք են օգտագործել: Որոշ ժամանակ անց հարբած ուսանողներն ապօրինաբար ներխուժել են երկու աղջիկների սենյակ: Աղջիկները երիտասարդներին խնդրել են հեռանալ, սակայն վերջիններս չեն արձագանքել: Վախեցած աղջիկները փախել են սենյակից եւ օգնության կանչել 23-ամյա հարեւանին:
Ալեքփերովը եւ Դաուդովը լքել են սենյակը, սակայն միջանցքում երիտասարդի հետ վեճի են բռնվել: Հարբած Ալեքփերովը կրկին ներխուժել է աղջիկների սենյակ եւ գլխով հարվածել նրանցից մեկի դեմքին:
«Կոմսոմոլսկայա պրավդան» հայտնում է, որ Դաուդովը չեչեն է, իսկ Ալեքփերովը` դաղստանցի: «Դուք կեղտոտ, անհավատ խոզեր եք», - գոռացել է Դաուդովը եւ դա նրա ամենամեղմ արտահայտությունն է եղել: Կովկասցիները հանգստացել են միայն ոստիկանական բաժանմունքում: «Սովորաբար նման դեպքերը դատարան չեն հասնում, սակայն այս անգամ գործը դատարան կհանձնվի: Բավական շատ ականատեսներ են եղել», - գրում է թերթը:
