նախընտրելի դարձնելՕհայոյի երեք բնակչուհիներին առեւանգած Արիել Կաստրոյին 329 կետով մեղադրանք կներկայացվի:
Ավելի վաղ նրան յոթ կետերով մեղադրանք էր ներկայացվել. Երեքը վերաբերում էին առեւանգված կանանց բռնաբարությանը, չորսը՝ կանանց առեւանգմանը եւ նրանցից մեկից ծնված դստերը:
Սակայն ատենակալների կոլեգիան նախքան գործը դատարան հանձնելը հարկ է համարել մեղադրականի կետերի թիվը հասցնել 329-ի:
Առեւանգման եւ բռնաբարության մեղադրանքներին զուգահեռ, Կաստրոյին նաեւ ծանրացուցիչ հանգամանքներում կատարված սպանության՝ հղիության հարկադիր ընդհատման մեղադրանք է ներկայացվում: Նոր մեղադրանքները պաշտոնապես կներկայացվեն հաջորդ շաբաթ:
Հիշեցնենք, նախորդ ամիս կալանավորված 52-ամյա Արիել Կաստրոն մոտ տասը տարի իր տանը փակի տակ պահել է իր իսկ առեւանգած կանանց՝ Միշել Նայթին, Ամանդա Բերրիին եւ Ջինա Դեհեսուսին:
