նախընտրելի դարձնելՍիսիանի ցրտաշունչ տարածաշրջանը զարմանալիորեն հարուստ է էլեկտրաէներգիայի արտադրման պոտենցիալով: Արեգակնային ճառագայթման ինտենսիվությունը հանրապետությունում ամենաբարձրն այստեղ է. օրերս USAID-ի ծրագրով տեղի գյուղերից մեկում` Դարպասում, արեւային տաքացուցիչ է տեղադրվել տեղի պոլիկլինիկայի համար: Քամու մասին. Հայաստնի էնեգետիկայի եւ բնական պաշարների նախարարության ներկայացուցիչների տվյալներով, 2009 թ-ին Սիսիանի լեռնանցքում քամու էներգիայի հզորությունը գնահատվում է 140 Մվտ:
Այստեղ հայտնի է նաեւ Ջերմաղբյուրի ստորջրյա տաք ջրերի հանքավայրը: Հենց այստեղ էլ ծրագրվում էր կառուցել Հայաստանում առաջին երկրաջերմային էլեկտրակայանը եւ ջերմոցային տնտեսությունների ցանցը:
Հորատման աշխատանքներն այստեղ առնվազն 250 աստիճանի գոլորշի են արձանագրել 2,5 – 3 հազ. մ խորության վրա: Իհարկե, նման խորությամբ հորատման աշխատանքները համադրելի են նավթայինի հետ, եւ առանց նախնական հետախուզական աշխատանքների հնարավոր չէ:
Համաշխարհային բանկի աջակցությամբ պատրաստված նախագծով Ջերմաղբյուրում ծրագրվում էր 3 կմ խորությամբ 6 հոր ունենալ: Կայանի հզորությունը պետք է կազմի 25 ՄՎտ: Ներդրումների ծավալը այն ժամանակ գնահատվում էր 39,1 մլն դոլար: Սակագինը գնահատվել էր 4,5 սենթ:
Այն բանից հետո, երբ նախագիծը հեռանկարային էր համարվել, 2006 թ-ին Հայաստանի կառավարությունը որոշել էր այն փոխանցել Էդուարդո Էռնեկյանի «Corporaccion America»-ին: Տրամադվեցին նաեւ արտոնություններ. մասնավորապես հանքավայրը որոշվեց տրամադրել անժամկետ, թեեւ Հայաստանում ընդերքի համար լիցենզիայի ժամկետը 25 տարի է սահմանվում: Սակայն նախագիծը տեղից չի շարժվում:
