Տեխասի 19-ամյա  բնակիչ Ջասթին Կարտերին ութ տարվա ազատազրկում  է սպառնում «Facebook»-ի արտահայտությունների համար, որոնք համարվել են «ահաբեկչության սպառնալիք»:Ամեն ինչ սկսվել  է ընկերների հետ անմեղ գրառումից:

Թինեյջերները քննարկել են «League of Legends» օնլայն խաղը, վեճի ժամանակ զրուցակիցը Կարտերին «խելագար»  է համարել: Նա էլ ի պատասխան գրել է. «Այո, ես իսկապես խելքս թռցրած եմ, հիմա կգնամ դպրոց, կսպանեմ երեխաներին եւ կուտեմ նրանց սիրտը, քանի դեռ դրանք բաբախում են»:Կարդալով այս գրառումը` մի բնակիչ զանգել է ոստիկանություն, արդյունքում երիտասարդը ձերբակալվել է, եւ հուլիսի 1 –ին տեղի կունենա դատաքննությունը: