նախընտրելի դարձնել
Հայաստանի սարերը պայթեցնելու համար Կառավարությունը “Ապառաժ” ՍՊԸ-ին թույլ կտա պայթուցիկներ ներկրել:
Ecolur-ի փոխանցմամբ, հուլիսի 10-ի գործադիրի նիստում է Էներգետիկայի եւ բնական պաշարների նախարար Արմեն Մովսիսյանի ներկայացրած որոշման նախագիծը, որով ընդերքօգտագործման նպատակով կթույլատրվի ընկերությանը մինչեւ 2013 թվականի դեկտեմբերի 31-ը Հայաստան ներմուծել պայթուցիկ նյութեր եւ պայթեցման միջոցներ:
Ըստ այդմ՝ կներմուծվի՝
1) Էքսել ոչ էլեկտրական պատիճ-ճայթիչ ԼՊ
Exel non-electrical capsules LP-300000 հատ
2) Էքսել ոչ էլեկտրական պատիճ-ճայթիչ ՄՍ
Exel non-electrical capsules MS-100000 հատ
3) Էքսել ոչ էլեկտրական պատիճ-ճայթիչ Կոննեկտադետ
Exel non-electrical capsules Connectadet -50000 հատ
4) Ալիքատար քուղ (Դեղին) / Shock tube (Yellow)-2200000 մետր
5) Ալիքատար քուղ (Կանաչ) / Shock tube (Green) -300000 մետր:
Ավելի վաղ NEWS.am-ը հայտնել էր, որ «Ապառաժ մայնինգ» ընկերությունը հայտ է ներկայացրել կառավարություն` պայթուցիկ նյութերի արտադրության լիցենզիա ստանալու համար:
Այդ հարցը, ՀՀ ոստիկանության ներկայացմամբ, ներառվել է ՀՀ կառավարության հուլիսի 12-ի նիստի օրակարգում: Լիցենզիան տրամադրվելու է անժամկետ:
Նշենք, որ «Ապառաժ մայնինգի» պայթուցիկներ արտադրող գործարանը հիմնվել է 2011 թ.` Քաջարանում: Պայթուցիկներն արտադրվում են հանքարդյունաբերության մեջ օգտագործելու նպատակով: Մինչ այդ պայթուցիկներ ներկրվում էր Թուրքիայից:
