նախընտրելի դարձնել
Ռուսաստանի պետական դումայի պատգամավոր Ռոման Խուդյակովի վրա հարձակման մեջ կասկածվողներին ձերբակալել են Վոլգոգրադի մարզում. նրանք 4 դաղստանցիներ են:
Հուլիսի 10-ի երեկոյան Վոլգոգրադ մուտք գործելու պահին ոստիկանները անցակետում ձերբակալել են դաղստանցիներին, որոնք եղել են Lexus մակնիշի ավտոմեքենայով: Վերջիններս ակտիվ դիմադրություն են ցուցաբերել, եւ ոստիկանները ստիպված են եղել ֆիզիկական ուժ կիրառել:
Հարձակվողներից մեկի` Հյուսիսային Կովկասի բնակիչ 38-ամյա տղամարդու ինքնությունը հաստատվել է գրեթե միանգամից: Սակայն կասկածյալների անունները չեն հրապարակվում: Կասկածյալներից մեկի մոտ Մախաչկալայի մասնավոր թիկնապահական ընկերության աշխատակցի փաստաթուղթ է եղել: Բացի դրանից, Lexus-ի խուզարկության ժամանակ հայտնաբերել են եկու գազային ատրճանակ, որոնք լիցքավորված են եղել մարտական փամփուշտներով, հայտնում է vesti.ru-ն:
Չարագործներին հաջողվել է ձերբակալվել այն բանի շնորհիվ, որ Ռոման Խուդյակովը հասցրել էր նրանց նկարահանել բջջային հեռախոսով: Այդ տեսագրությունն այժմ քննիչների մոտ է:
Հիշեցնենք, որ ՌԼԴԿ-ի պատգամավոր Ռոման Խուդյակովի հետ կատարված միջադեպը տեղի է ունեցել հուլիսի 9-ի երեկոյան: Երկու անհայտ անձինք ժամանակավոր համարանիշներով սեւ ջիփով կտրել էին նրա ճանապարհը եւ դաժան ծեծի ենթարկել: Պատգամավորին տեղափոխել են հիվանդանոց` ուղեղի ցնցում ախտորոշմամբ:
