նախընտրելի դարձնել
Արմավիր քաղաքում՝ Երեւանյան եւ Հանրապետություն փողոցների խաչմերուկում հուլիսի 11-ին, ժամը 21:45-ի սահմաններում 35-ամյա Արթուր Մելսիկ Գեւորգյանը իր վարած ԳԱԶ 24 մակնիշի ավտոմեքենայով վրաերթի է ենթարկել 5-ամյա Լիլիթ Հրայրի Հովհանիսյանին: Այս մասին NEWS.am-ը տեղեկացավ ոստիկանության Արմավիրի բաժնից:
Վարորդը փախուստի չի դիմել եւ երեխային տեղափոխել է Արմավիրի բժշկական կենտրոն, որից հետո մեղայականով ներկայացել է ոստիկանության Արմավիրի բաժին:
Արմավիրի բժշկական կենտրոնից էլ փոխանցեցին, որ փոքրիկը վնասվածքը ստացել էր գլխի շրջանում եւ նրան տեղափոխել են Երեւան: Փաստի առթիվ նյութեր են նախապատրաստվում:
