Նախընտրելի
Բնապահպանական պետական տեսչության կողմից հուլիսի 1-13-ն ընկած ժամանակահատվածում իրականացված ստուգումների, շրջայցերի արդյունքում կիրառված պատժամիջոցներից պետբյուջե մուտք է եղել 4.33 մլն դրամ գումար:
Կայացվել է 2.06 մլն դրամ ընդհանուր գումարով վարչական տուգանքի որոշում եւ հաշվարկվել է 4.34 մլն դրամ ընդհանուր գումարի շրջակա միջավայրին հասցված վնաս:
Բուսական աշխարհի պահպանության ոլորտ
Գեղարքունիքի ապօրինի ծառահատման դեպքի համար մեկ ֆիզիկական անձի նկատմամբ կայացվել է 50.0 հազար դրամ գումարի վարչական տուգանքի որոշում, հաշվարկվել է 37.5 հազար դրամ գումարի շրջակա միջավայրին հասցված վնաս:
Լոռիի տարածքային բաժնի վարույթին հանձնված ապօրինի ծառահատման հինգ դեպքերի քննության արդյունքում կայացվել է 230.0 հազար դրամ ընդհանուր գումարի վարչական տուգանքի չորս որոշում եւ հաշվարկվել է 518.55 հազար դրամ գումարի շրջակա միջավայրին հասցված վնաս:
Ջրերի պահպանության ոլորտ
Շիրակի տարածքային բաժնի կողմից մեկ տնտեսվարողի մոտ իրականացված ստուգման արդյունքում հայտնաբերված խախտումների համար կայացվել է 150.0 հազար դրամ գումարի վարչական տուգանքի որոշում եւ հաշվարկվել է 744.4 հազ.դր. գումարով շրջակա միջավայրին հասցված վնաս:
Երեւանի տարածքային բաժնի կողմից մեկ կազմակերպությունում իրականացված ստուգման ընթացքում հայտնաբերված խախտման համար կայացվել է 150.0 հազ.դր. գումարի վարչական տուգանքի որոշում եւ հաշվարկվել է 1.44 մլն դրամ գումարի շրջակա միջավայրին հասցված վնաս:
Հողերի պահպանության ոլորտ
Շիրակի տարածքային բաժնի աշխատակիցների կողմից շրջայցերի ընթացքում հայտնաբերված խախտման համար մեկ ֆիզիկական անձի նկատմամբ կայացվել է 30.0 հազար դրամ գումարի վարչական տուգանքի որոշում:
Ընդերքի բնապահպանական վերահսկողության եւ Արագածոտնի տարածքային բաժինների կողմից երկու տնտեսվարողների մոտ իրականացված ստուգումների արդյունքում կայացվել է 300.0 հազար դրամ ընդհանուր գումարի վարչական տուգանքի երկու որոշում եւ հաշվարկվել է 1.067 մլն դրամ ընդհանուր գումարի շրջակա միջավայրին հասցված վնաս:
Մթնոլորտային օդի պահպանության ոլորտ
Երեւանի տարածքային բաժնի կողմից մեկ կազմակերպությունում իրականացված ստուգման ընթացքում հայտնաբերված խախտման համար կայացվել է 100.0 հազ.դր. գումարի վարչական տուգանքի որոշում եւ հաշվարկվել է 372.0 հազ.դր. գումարի շրջակա միջավայրին հասցված վնաս:
Կենսառեսուրսների, հողերի, թափոնների, վտանգավոր նյութերի վերահսկողության եւ Երեւանի տարածքային բաժինների կողմից մեկ տնտեսվարողի մոտ իրականցված համատեղ ստուգման արդյունքում հայտնաբերված խախտման համար կայացվել է 150.0 հազար դրամ գումարի վարչական տուգանքի որոշում:
Ընդերքի բնապահպանական վերահսկողության եւ Արագածոտնի տարածքային բաժինների կողմից մեկ տնտեսվարողի մոտ իրականացված ստուգման արդյունքում կայացվել 150.0 հազար դրամ գումարի վարչական տուգանքի որոշում եւ հաշվարկվել է 76.31 հազար դրամ գումարի շրջակա միջավայրին հասցված վնաս:
Ջրերի վերահսկողության եւ Արագածոտնի տարածքային բաժինների կողմից մեկ տնտեսվարողի մոտ համատեղ իրականացված ստուգման արդյունքում կայացվել 1 100.0 հազար դրամ գումարի վարչական տուգանքի որոշում եւ հաշվարկվել է 37.31 հազար դրամ գումարի շրջակա միջավայրին հասցված վնաս:
Շրջակա միջավայրի վրա ազդեցության փորձաքննություն
Սյունիքի տարածքային բաժնի կողմից հայտնաբերված ապօրինի շինարարության համար «ԱՏ-ՄԵՏԱԼՍ» ՍՊԸ նկատմամբ կայացվել է ընկերության գործունեության դադարեցման որոշում:
Հանքանյութի ապօրինի տեղափոխում
Արագածոտնի տարածքային բաժնի աշխատակիցների կողմից շրջայցերի ընթացքում հայտնաբերված խախտման համար երկու ֆիզիկական անձանց նկատմամբ կայացվել է 100.0 հազար դրամ ընդհանուր գումարի վարչական տուգանքի որոշումներ:
Բնապահպանական եւ բնօգտագործման վճարի եռամսյակային հաշվետվություն սահմանված ժամկետում չներկայացնելու համար
Մթնոլորտի վերահսկողության եւ Երեւանի տարածքային բաժինների կողմից երկու տնտեսվարողի մոտ իրականացված համատեղ ստուգման արդյունքում կայացվել է 200.0 հազար դրամ ընդհանուր գումարի վարչական տուգանքի երկու որոշում:
Ընդերքի բնապահպանական վերահսկողության բաժնի կողմից մեկ տնտեսվարողի մոտ իրականացված ստուգման արդյունքում կայացվել 100.0 հազ.դր. գումարի վարչական տուգանքի որոշում եւ հաշվարկվել է 30.55 հազ.դր. գումարի շրջակա միջավայրին հասցված վնաս:
Փայտանյութի ապօրինի տեղափոխում
Կենսառեսուրսների, հողերի, թափոնների, վտանգավոր նյութերի վերահսկողության բաժնի աշխատակիցների կողմից իրականացված շրջայցերի արդյունքում հայտնաբերված խախտման համար մեկ ֆիզիկական անձի նկատմամբ կայացվել է 100.0 հազար դրամ գումարի վարչական տուգանքի որոշում եւ հաշվարկվել է 90.0 հազար դրամ գումարի շրջակա միջավայրին հասցված վնաս:
Ապօրինի որս
Գեղարքունիքի տարածքային բաժնի եւ ՀՀ ոստիկանության գավառի բաժինների աշխատակիցների համատեղ իրականացված շրջայցերի արդյունքում հայտնաբերված խեցգետնի ապօրինի որսի համար երկու ֆիզիկական անձանց նկատմամբ կայացվել է 100.0 հազար դրամ ընդհանուր գումարի վարչական տուգանքի երկու որոշում: Առգրավված 11.75 կգ խեցգետինը սահմանված կարգով կենդանի վիճակում բաց է թողնվել Սեւանա լիճ:
