Ճավա կղզու ամենախոշոր հրաբուխի՝  Մերապիի, ստորոտին տեղակայված գյուղերի ու բնակավայրերի բնակիչները լքում են իրենց բնակարանները այն բանից հետո, ինչ այն այսօր արտանետել է մոտ 1 կմ բարձրությամբ գազային ամպ: Այս մասին հաղորդել են Աղետների հետեւանքների չեզոքացման կենտրոնից:

Կենտրոնի ներկայացուցչի խոսքով՝ Մերապիի ակտիվությունը ավելացել է այն բանից հետո, ինչ առավոտյան հորդառատ անձրեւ է սկսվել, սակայն ժայթքում այդպես էլ տեղի չի ունեցել: Բնակչության շտապ տարհանման ազդանշան չի տրվել, փոխանցում է ԻՏԱՌ-ՏԱՍՍ-ը:

Արտանետման արդյունքում՝ լեռան ստորոտին տեղակայված բնակավայրերը ծածկվել են հրաբխային մոխրով:

Մերապին Ինդոնեզիայի ամենաակտիվ հրաբուխներից է: 2010թ վերջինիս ժայթքման ադյունքում զոհվել էր 347 մարդ: