Հյուսիսային Ատլանտիկայում ավարտվել է բրիտանական SS Gairsoppa բեռնանավից ռեկորդային քանակությամբ արծաթե ձուլակտորների դուրսբերումը: Նավը 1941թ. Իռլանդիայի ափերում խորտակել էր նացիստների սուզանավակը, գրում է The New York Daily News-ը: Գտնված գանձերի ընդհանուր արժեքը  35 մլն դոլար է:

Ամերիկյան Odyssey Marine Exploration (OMEX) ընկերության արշավախումբը գտնված գանձերի ռեկորդային ծավալ է արձանագրել՝ 2013թ. հատակից 60 տոննայից ավելի արծաթ բարձրացնելով, հայտնում է Lenta.ru-ն:

Արշավախմբի անդամները  2013թ. խորտակված նավից ավելի քան 1,5 հազար արծաթե ձուլակտորներ են բարձրացրել՝ 48 տոննա զանգվածով: Այս պահի դրությամբ դուրս է բերվել  թանկարժեք բեռան 99%-ը:

SS Gairsoppa-ի տեղը հայտնի էր դարձել 2011թ.՝ պատմական հետազոտության շնորհիվ, որի ընթացքում, մասնավորապես, հաշվի էր առնվել գերմանական սուզանավակի  հրամանատարի զեկույցը:

1941թ. խորտակված բրիտանական նավում գտնվող 85 մարդուց, որոնց մեծ մասը Հնդկաստանից էին, ողջ էր մնացել միայն մեկը:  Նավի բեռն ապահովագրված էր եղել սեփականատերերի կողմից, այնպես որ դրա կորստից հետո տերերը փոխհատուցում էին ստացել բրիտանական իշխանություններից, իսկ խորտակված բեռան տնօրինման իրավունքն անցել էր կառավարությանը: