Նստացույց հայտարարած ազատամարտիկները հանդես են եկել հայտարարությամբ, որտեղ կոչ են անում իրենց պայքարին միացող աատամարտիկներին իսպառ բացառել քաղաքականության ենթատեքստը:

Հայտարարությունում ասվում է.

«Հայաստանում ազատամարտիկների պայքարը նախաձեռնող մի խումբ ազատամարտիկներ հայտարարում են, որ շարժման առաջին իսկ օրվանից փորձել են լուծում գտնել ազատամարտիկների սոցիալական խնդիրներին` անկախ կուսակցական պատկանելիությունից: Խորհրդի անդամները չեն ենթադրում որեւէ քաղաքական ուժի աջակցությունը կամ ներգրավումը պայքարի ընթացքում: Սակայն քաղաքական ցանկացած աջակցություն ողջունելի է, եթե այն իրականացվում է գերատեսչական մարմիններում (օր.` ԱԺ, Կառավարություն)` շարժումից անջատ կերպով: Ուստի, կոչ ենք անում բոլոր ազատամարտիկներին, ովքեր պատրաստվում են սատարել այս շարժմանը, ի սպառ բացառել քաղաքականության ենթատեքստ»:

Հայտարարությունը ստորագրել են հետեւյալ ազատամարտիկները.

Տիգրան Հարությունյան

Վոլոդյա Ավետիսյան

Կարեն Մելիքբեկյան

Նիկոլայ Քոչարյան

Ստեփան Նիկողոսյան

Հովիկ Վարդումյան

Մնացական Մուրադյան

Սպարտակ Զաքարյան

Լուսանկարը՝  Արսեն Սարգսյանի/NEWS.am