նախընտրելի դարձնել
Մոսկվայի կենտրոնում տեղակայված հյուրանոցներից մեկում մահացած են գտել Ռուսաստանում Օմանի դեսպանատան առաջին քարտուղարը:
Ինչպես հաղորդում է «ՌԻԱ Նովոստին», վկայակոչելով իրավապահների աղբյուրին, ոստիկանությունում հաղորդագրություն է ստացվել այն մասին, որ Բոլշայա Պոլյանկա փողոցի հյուրանոցում տղամարդու մարմին է հայտնաբերվել: Դեպքի վայր ժամանած ոստիկանները մահճակալին հայտնաբերել են դիվանագիտական ներկայացուցչության աշխատակցի մարմինը՝ առանց արտաքին բռնության նախանշանների:
Մահվան ենթադրյալ պատճառը սիրտանոթային համակարգի անբավարարությունն է եղել. հաղորդում է «ՌԲԿ»-ն:
ՆԳՆ Մոսկվայի հարցերով վարչությունում հաստատել են մարմինը հայտնաբերելու փաստը՝ առանց մանրամասներ ներկայացնելու:
