Lufthansa ընկերության աշխատակիցները վճռել են ժամանակից շուտ վայրէջք կատարել, քանի որ օդանավում տհաճ հոտ է տարածվել: Ֆրանկֆուրտից Ստոկհոլմ թռչող օդանավը արտակարգ վայրէջք է կատարել Կոպենհագենում: Դա տեղի էր ունեցել թռիչքից 15 րոպե անց: Արդյունքում 129 ուղեւորներ վերագրանցվել են այլընտրանքային չվերթների համար: 

Օդանավը մանրազնին հետազոտելով՝  Lufthansa-ի աշխատակիցները եզրակացրել են, որ գարշահոտությունը վերջերս փռված գորգից է եկել: Հայտնի չէ, թե  ինչու էր դրանից այդքան տհաճ հոտ գալիս: Արդյունքում չվերթի ուղեւորները  Ֆրանկֆուրտ են  ժամանել երեք ժամ ուշացմամբ, հայտնում է  vesti.ru-ն՝ վկայակոչելով  Telegraph-ը:

Սա առաջին դեպքը չէ, երբ ավիաընկերությունը խնդիրներ է ունենում անհեթեթությունների պատճառով: Օրինակ՝  Air India ընկերության օդաչու Սմիրիթի Թրեհանը հրաժարվել էր Մումբայից Դելի թռչել, քանի որ  ավիափոխադրողի ղեկավարությունը կասեցրել էր Ջոդհփուրում նախատեսված  կանգառը:  Բանն այն է, որ կինը նախօրոք պատվիրել էր տեղական հայտնի սոխով քաղցրաբլիթներ, որը նրան պետք է հանձնեին Ջոդհփուրում: