նախընտրելի դարձնել
Հայաստանի նախագահ Սերժ Սարգսյանն այսօր՝ սեպտեմբերի 4-ին, հրավիրել է խորհրդակցություն, որտեղ քննարկվել են համայնքների ֆինանսավորման եւ տեղական ինքնակառավարման մարմինների կողմից սեփական եկամուտների հավաքագրման մեխանիզմների արդիականացմանն ու արդյունավետության բարձրացմանը վերաբերող հարցեր՝ միտված տեղական ինքնակառավարման մարմինների ամրապնդմանն ու հնարավորությունների ավելացմանը:
Նախագահի մամուլի գրասենյակից հայտնում են, որ խորհրդակցությանը մասնակցել են ՀՀ վարչապետ Տիգրան Սարգսյանը, փոխվարչապետ Արմեն Գեւորգյանը, Նախագահի աշխատակազմի ղեկավար Վիգեն Սարգսյանը, Երեւանի քաղաքապետ Տարոն Մարգարյանը, Ազգային ժողովի տնտեսական հարցերի մշտական հանձնաժողովի նախագահ Վարդան Այվազյանը, ֆինանսների նախարար Դավիթ Սարգսյանը, արդարադատության նախարար Հրայր Թովմասյանը, Պետեկամուտների կոմիտեի նախագահ Գագիկ Խաչատրյանը, Անշարժ գույքի կադաստրի պետական կոմիտեի նախագահ Երվանդ Զախարյանը:
