նախընտրելի դարձնել
«ԱրմենՏել» ընկերությունում (ապրանքանիշը Beeline), այսօր՝ սեպտեմբերի 6-ին, տեղի է ունեցել Հայաստանի Ներքին Աուդիտորների Ինստիտուտի (ՆԱԻ-Հայաստան) անդամների համաժողովը եւ խորհրդի նիստը: Հանդիպման ընթացքում «ԱրմենՏել» ՓԲԸ ներքին աուդիտի աշխատակիցները ներկայացրել են ընկերության փորձը, որը վերաբերում է ներքին աուդիտի հանձնառության պլանավորմանը, իրականացմանը եւ հաշվետվությունների ներկայացմանը:
Այս բնագավառում «ԱրմենՏել» ընկերության աշխատանքի որակի եւ փորձի համապատասխանելիությունը միջազգային չափանիշներին հաստատվել է դեռեւս 2012թ.-ին աուդիտորական «մեծ քառյակի» ներկայացուցիչ Deloitte&Touche միջազգային ընկերությունների միավորման կողմից:
«ԱրմենՏել» ընկերությունը, հանսիսանալով «ՎիմպելԿոմ» ընկերությունների խմբի մի մաս, իրականացնում է իր բոլոր գործընթացները միջազգային կորպորատիվ կառավարման պահանջներին համապատասխան: Ընկերության ողջ գործունեությունն ենթարկվում է մանրամասն ստուգման ռիսկերի կառավարման, ներքին հսկողության համակարգի եւ ֆինանսական հաշվետվության միջազգային պահանջներին համապատասխան: «ԱրմենՏել»-ում աուդիտորական ստուգումներ են իրականացնում այնպիսի հայտնի միջազգային կորպորացիաներ, ինչպիսին է օրինակ Ernst & Young ընկերությունը: Այս կապակցությամբ մենք մեծ կարեւորություն ենք տալիս այս հանդիպմանը, եւ հույս ունենք, որ մեր ընկերությունում առկա փորձը կնպաստի Հայաստանում թափանցիկ եւ գրավիչ ներդրումային բիզնես միջավայրի ձեւավորմանը»,- նշել է «ԱրմենՏել» ընկերության Ֆինանսական տնօրեն Կարեն Կարապետյանը:
«ԱրմենՏել ընկերությունը նպատակ ունի Հայաստանի Ներքին Աուդիտորների Ինստիտուտի շրջանակում տարածել եւ զարգացնել մասնագիտական լավագույն փորձը մեր երկրում: Հավատացած եմ, որ այս բնագավառում կունենանք բազմաթիվ հաջողություններ, քանի որ մեր ընկերությունն ունի համապատասխան միջազգային սերտիֆիկացիա ունեցող մասնագետներ, իսկ մեր աշխատանքի որակը բարձր գնահատականի է արժանացել աշխարհահռչակ կազմակերպությունների կողմից: Այս ամենը մեզ թույլ կտա տարածել լավագույն փորձը Հայաստանի Հանրապետությունում` դրանով իսկ նպաստելով պետության բիզնես միջավայրի զարգացմանը եւ միջազգային փորձի նեդրման բարելավմանը», - նշել է «ԱրմենՏել» ընկերության Ներքին աուդիտի եւ ռիսկերի կառավարման ծառայության ղեկավար Հայկ Քարամյանը:
Նշենք, որ «ԱրմենՏել» ընկերությունը հանդիսացել է Հայաստանում Ներքին աուդիտորների ինստիտուտի հիմնադրման նախաձեռնողը եւ ակտիվ մասնակիցը: 2009թ.-ին «ԱրմենՏել» ընկերության կողմից է ուղարկվել առաջին նամակն ուղղված այս կառույցի ստեղծմանը:
ՆԱԻ-Հայաստանը ներկայացնում է միջազգային «Institute of Internal Auditors» կազմակերպությունը, որը միավորում է ավելի քան 165 երկրների 175 հազ. անդամների ու ներկայացված է ավելի քան 105 երկրներում, այդ թվում՝ նաեւ Հայաստանում: Ինստիտուտի նպատակն է աջակցել ՀՀ-ում ներքին աուդիտի գործունեության զարգացմանը եւ ներքին աուդիտի միջազգային ստանդարտներին համապատասխան ներքին աուդիտի ծառայությունների մատուցմանը:
