Իսպանիայի հյուսիսային փոքր Լա Կորունիա քաղաքում փնտրում են վիճակախաղի 4,7 միլիոն եվրո (6,3 միլիոն դոլար) ջեքփոթը շահողին, ով երջանիկ տոմսը թողել է վաճառքի գրասենյակում: Վիճակախաղում  հաղթած տոմսը հայտնաբերվել է սեպտեմբերի 17-ին՝  Coruna վիճակախաղի գրասենյակում եւ հանձնվել իշխանություններին:

Քաղաքապետը կատակով ասել է, որ առաջին անգամ փնտրում է միլիոնատերի՝ «ոչ թե փող խնդրելու, այլ տալու» համար,  հաղորդում է gazeta.ru -ն՝ վկայակոչելով Associated Press-ը: Իշխանությունները վստահեցնում են, որ բոլոր թեկնածուները կստուգվեն: 

Գտած տոմսի վերաբերյալ տեղեկությունը տեղադրվել է քաղաքի կայքում, որտեղ հրապարակվում են հայտարարություններ՝ կորած բջջային հեռախոսների, բանալիների եւ դրամապանակների մասին, հայտնում է polit.ru-ն: