Սեպտեմբերի 24-ին, ժամը 13.45-ին, ոստիկանության Շենգավիթի բաժին է դիմել Գարեգին Նժդեհի փողոցում գտնվող տոնավաճառի մի աշխատակցուհի եւ հաղորդում տվել, որ սեպտեմբերի 23-ին, ժամը 18.00-ից 18.45-ն ընկած ժամանակահատվածում, տոնավաճառի տաղավաներից մեկից գողացել են իր դրամապանակը, որի մեջ եղել է 100.000 դրամ եւ սոցիալական քարտ:

Ոստիկանության լրատվության վարչությունից հայտնում են, թե ոստիկանության ծառայողները նույն օրը, ժամը 18.30-ին, Ավան-Առինջ թաղամասից, գողություն կատարելու կասկածանքով, բերման են ենթարկել 1979 թ. ծնված Լիլիթ Խ.-ին, որը տվել է ինքնախոստովանական բացատրություն:

Կատարվում է հետաքննություն: