Հայաստանի նախագահ Սերժ Սարգսյանը մասնակցել է Քաջարանում բժշկական կենտրոնի բացմանը: Բացմանը ներկա են եղել նաեւ մարզի եւ քաղաքի ղեկավարները, հաղորդում է NEWS.am-ի թղթակիցը:

Հիսուն տարի առաջ կառուցված հիվանդանոցը տուժել էր երկրաշարժից: Դրանից հետո քաղաքում գործել է պոլիկլինիկա եւ ստացիոնար հիվանդանոց:

Վերանորոգման աշխատանքները սկսվել են 2011-ի օգոստոսին եւ ավարտվել բոլորովին վերջերս: Հիվանդանոցում կան ժամանակակից բժշկական սարքավորումներ: