նախընտրելի դարձնել
Չեչնիայի երեք բնակիչների նկատմամբ սեպտեմբերի 27-ին ազատազրկման դատավճիռ է կայացվել:
Նրանք տրավմատիկ ատրճանակներով հրաձգության էին ենթարկել բարձրագույն ատյաններում Ռուսաստանի լիազոր ներկայացուցիչ Միխայիլ Բարշչեւսկիի հարազատների մեքենան:
Դատավճիռը կայացրել է Մոսկվայի Պերսենի դատարանը: Չեչնիայի երեք բնակիչներ՝ Ասլան Ախվադովը, Ումար Գեբերտաեւը եւ Խամզատ Խատուեւը, որոնք հրաձգության էին ենթարկել Բարշչեւսկիի դստեր եւ փեսայի մեքենան, երկու տարվա գաղութի են դատապարտվել:
Ամբաստանյալները խոստովանել են մեղքը, բայց հայտարարել են, որ մտադիր չէին հանցանք գործել, հայտնում է BFM.ru-ն:
2011թ. հունիսի 6-ին, ըստ քննության վարկածի, Ասլան Ախվադովը, Ումար Գեբերտաեւը եւ Խամզատ Խատուեւը Porsche Cayenne-ով քաղաքի կենտրոն են գնացել գործարար Փարվիզ Յասինովի խնդրանքով, որը «Տատու» խմբի մեներգչուհու նախկին ամուսինն է եւ Մոսկվայի խոշոր «Մոսստրոյմեխանիզացիա-5» շինընկերության սեփականատիրոջ որդին:
Յասինովը երեք չեչենների ուղեկցությամբ մեկնել էր Բարշչեւսկիի փեսայի՝ Կիրիլ Մեշչերյակովի հետ հանդիպման, որին վախեցրել էր Յասինովի ուղեկիցների տեսքը:
Land Rover մեքենայում կնոջ հետ գտնվող Մեշչերյակովը սեղմել էր գազի ոտնակը՝ գրեթե հարվածելով Խամզատ Խատուեւին: Դրանից հետո չեչեններն իրենց մեքենայով սկսել էին հետապնդել նրան եւ հասնելով՝ կրակ էին բացել Մեշչերյակովի մեքենայի ուղղությամբ:
Մեշչերյակովն ու կինը չէին տուժել: Նրանք նույն օրն իսկ ոստիկանություն էին դիմել:
