նախընտրելի դարձնել
Մոսկվայի քաղաքապետ Սերգեյ Սոբյանինը մոսկվացիներին հավաստիացրել է, որ ապօրինի միգրացիայի եւ այդ բնագավառում հանցագործությունների դեմ պայքարը կշարունակվի:
Նա ընդգծել է, որ Մոսկվայի իշխանությունների ու ոստիկանության համար միանգամայն ընդունելի է ապօրինի միգրացիայի ոլորտում կարգուկանոն հաստատելու վերաբերյալ մոսկվացիների պահանջը:
«Եգոր Շչերբակովի սպանությունը ծանր հանցանք է, բայց այն չպետք է սադրիչների կողմից խռովություններ եւ ավերածություններ հրահրելու առիթ դառնա», - ասել է Սոբյանինը:
Քաղաքապետը հավելել է, որ Բիրյուլեւոյի բանջարեղենի վաճառակայանը փակվել է եւ հազիվ թե կրկին բացվի, փոխանցում է «ՌԻԱ Նովոստին»:
Հիշեցնենք, Բիրյուլեւոյի բնակիչ Եգոր Շչերբակովի սպանությունը խռովությունների եւ ավերածությունների պատճառ էր դարձել: Մոտ 400 մարդ ձերբակալվել էր: Հոկտեմբերի 15-ին ոստիկանությունը Մերձմոսկվայում ձերբակալել էր սպանության կասկածյալ, Ադրբեջանի բնակիչ Օրհան Զեյնալովին:
