նախընտրելի դարձնել
Էդվարդ Սնոուդենի հայրը՝ Լոն Սնոուդենը, որդուն խորհուրդ է տվել մնալ Ռուսաստանում: Այս մասին նա հայտարարել է Մոսկվայից վերադառնալիս՝ Ջոն Քենեդու անվան օդանավակայանում:
Նա ընդգծել է, որ ամեն դեպքում որդին կվարվի այնպես, ինչպես հարմար է գտնում: «Նա միանգամայն վստահ է, որ ճիշտ է վարվել»,– նշել է նա:
Լոն Սնոուդենը Մոսկվայում մնացել է մեկ շաբաթ: Նա հայտնի սկանդալից հետո առաջին անգամ էր տեսնում որդուն:
Մոսկվայում Էդվարդ Սնոուդենի բնակության վայրը գաղտնի է պահվում: Փաստաբան Անատոլի Կուչերենայի խոսքով՝ամերիկացին համեստ կյանք է վարում եւ ցանկանում է աշխատանք գտնել: Նա նաեւ հավելել է, որ Սնոուդենը շուտով բարձր պաշտոն կզբաղեցնի, քանի որ բազմաթիվ առաջարկներ է ստացել, գրում է rbc-ն՝ վկայակոչելով Reuters-ը:
«Ռուսաստանում Էդվարդ Սնոուդենին նաեւ պետական պաշտպանության տակ են վերցրել: Մենք չպետք է մոռանանք, որ նա ամենափնտրվող ամերիկացին է»,– ընդգծել է Կուչերենան:
